«Ինչեր է խոստացել, որ Էրդողանն առաջարկում է անցնել կոնկրետ քայլերի». Մամիջանյան

«Մի քանի օր առաջ արդեն որերորդ անգամ Թուրքիայի նախագահը վերահաստատեց, որ հայ-թուրքական հարաբերությունների կարգավորումն ուղղակիորեն կախված է հայ-ադրբեջանական հարաբերություններից, ավելին՝ ինքը ասեց, որ սահմանների, տրնասպորտային հանգույցների բացում չի լինելու՝ մինչև չկարգավորվեն հայ-ադրբեջանական հարաբերությունները»,- այսօր՝ «Դիմադրություն» շարժման հանրահավաքի ժամանակ, հայտարարեց «Պատիվ ունեմ» խմբակցության պատգամավոր Հայկ Մամիջանյանը։

«Դրանից հետո որոշ երեսփոխամններ ինտերվյուներում ասում են՝ դե, առանց նախապայման ա, դրա առանց նախապայմանը ո՞րն ա, եթե հստակ ասվում ա, որ հարաբերությունների պայմանը հայ-ադրբեջանական հարաբերություններն են»,- նկատեց պատգամավորը։

«Մեկ կետ, որն ասվեց էդ հարցազրույցում, բայց այդքան էլ չշրջանառվեց․ Էրդողանն ասեց, որ Փաշինյանից ակնկալում են խոսքից գործի անցնել, այսինքն՝ հայտարարություններից անցնել կոնկրետ քայլերի։ Կարո՞ղ եք պատկերացնել՝ էդ ինչեր է խոստացել, որ Էրդողանը պահանջում ա անցնել կոնկրետ քայլերի»,- ասաց Մամիջանյանը։