«Ում մասին ընդդիմադիր Նիկոլ Փաշինյանը տարիներ շարունակ խոսել է, էսօր կողքին են, իր հետ փայ են»․ Սաղաթելյան

«Երբ որ այս հրապարակում վրաններ էին տեղադրված, լուրեր էին տարածում՝ թմրամոլությամբ են զբաղվում։ Երբ որ հայտարարեոցինք՝ բոլորիդ կտանենք անալիզի և կպարզվի՝ ով է իրականում թմրամոլ, այդ խոսակցության վերջը տվեցին։ Հիմա շարունակ ասում են՝ սա թալանչիների, նախկինների, օլիգարխների, մեծահարուստների պայքար է իշխանության համար»,- այսօր՝ «Դիմադրություն» շարժման հանրահավաքի ժամանակ, հայտարարեց «Դիմադրություն» շարժման համակարգող Իշխան Սաղաթելյանը։

«Վերցրեք բոլոր այն անունները, ում մասին ընդդիմադիր Նիկոլ Փաշինյանը տարիներ շարունակ խոսել է, հարցադրումներ է արել՝ որտեղից ձեզ այդ բիզնեսը, այդ տունը․․․ Բոլոր անունները հերթով նայեք․ էսօր բոլորն իր կողքին են, իր հետ փայ են, իր հետ նույնն են։ Եթե շարունակեն էս Շարժմանն անուններ կպցնել, հատ-հատ բոլորի անունը տալու ենք, հերիք եղավ, բոլ եղավ էս հարթակի կանգնած մարդիկ պատասխան տան ամեն գող ու խուժանի համար»,- նշեց նա։