«Պարզվեց, որ Մոսկվայի պնդումն իրականությանը չի համապատասխանում»․ Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Ռուսաստանին ուղղված կոչեր Երևանն էլ է արել, բայց ի պատասխան դրանց՝ Մոսկվան ասել է, որ ամերիկացի ու ֆրանսիացի համանախագահներն են հրաժարվում ՄԽ ձևաչափով համագործակցել ՌԴ հետ: Այժմ պարզվեց, որ Մոսկվայի այդ պնդումն իրականությանը չի համապատասխանում՝ Փարիզն ու Վաշինգտոնը պատրաստ են ՌԴ ներկայացուցչի հետ համատեղ վերագործարկել ՄԽ համանախագահության գործունեությունը և հրապարակավ համապատասխան առաջարկն արել են ռուսական կողմին:

Մոսկվան այդ առաջարկին որևէ հոդաբաշխ պատասխան դեռևս չի տվել՝ ոչ այո է ասում, ոչ էլ մերժում է: Տեսնենք, թե որքան է ձգձգվելու այս հարցը»: