«Մեր տունը մեզնից խլեցին, երեխեքիս աչքի առաջ քանդեցին». Ֆիրդուսի բնակիչների ասուլիսը

«2005 թվականին պետության կարիքների պատճառով իմ ընտանիքը, երկու անչափահաս երեխաների հետ միասին, հայտնվեց փողոցում: Մեր տունը մեզնից խլեցին, երեխեքիս աչքի առաջ քանդեցին՝ ոչ մի կոպեկ չվճարելով»,- հրավիրած մամուլի ասուլիսի ժամանակ ասաց Բյուզանդ փողոցի նախկին բնակիչ Սեդրակ Բաղդասարյանը:

«Երբ եղավ 2018 թվականի հեղափոխությունը, այդ տարածքի բնակիչներս, մեծ սպասելիքներ և հույս ունեինք, որ վերջապես ՀՀ-ում նոր ձևավորված իշխանությունը, որն եկել է ժողովրդավարական ճանապարհով, կտա արդարացի լուծում այս խնդիրներին»,- ասաց Բյուզանդի նախկին բնակիչը:

Փաստաբան Տիգրան Եգորյանի խոսքով թե՛ մասնավոր, և թե՛ պետական ծառայությունները, որոնք կարող էին և այսօր էլ կարող են իրականացնել շուկայական արժեքի գնահատում կառավարության որոշման բերումով խուսափում են դա անել: «Մենք այսօր զրկված ենք հնարավորությունից որևէ մասնավոր գնահատողի ծառայություններից օգտվելու, որովհետև բոլոր մասնավոր ծառայություններ մատուցողները հրաժարվում են իրականացնել գնահատում՝ լսելով Ֆիրդուսի թաղամաս անունը»,- ասաց փաստաբանը:

Մանրամաները՝ տեսանյութում