«Եկե՛ք իրադարձություններն իրենց անուններով կոչենք»․ Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Եկե՛ք իրադարձություններն իրենց անուններով կոչենք:
2020թ նոյեմբերի 9-ի (10-ի) եսիմինչով հայտարարվեց Արցախից հայերի փուլային դեպորտացիայի մասին: Դեպորտացիայի մասին եսիմինչի տակ առկա է նաև Հայաստանի ղեկավարի ստորագրությունը: Դա նշանակում է, որ դեպորտացիան իրականացվում է եռակողմ (այդ թվում՝ Հայաստանի իշխանությունների) ջանքերով:
Դեպորտացիայի հաջորդ փուլը Բերձորն ու Աղավնոն են: Այդ փուլի «բարեհաջող» ավարտից հետո «ադրբեջանական» անկլավներն են, այնուհետև՝ «միջանցքը» («ճանապարհը»): Հետո՝ չգիտեմ:
Կարծում եք, որ 1915թ․ դեպորտացիան այլ ձևաչափո՞վ է ընթացել: Իհարկե՝ ոչ: Անուններն ու ազգանունները փոխեք, իսկ մնացածը նույնն է»: