«Թշնամական իշխանության դեմ Ազգային Ազատագրական պայքար սկսելու ժամանակը գնալով սպառվում է». Նարեկ Սամսոնյան

«Քաղաքացիական գիտակցություն» ՀԿ նախագահ Նարեկ Սամսոնյանը ֆեյսբուքյան իր էջում գրել է. «Այլևս հարյուր տոկոսանոց փաստ է, որ այս իշխանությունները չունեն անգամ 1 տոկոս հնարավրություն ապահովելու Հայաստանի սահմանների և ժողովրդի անվտանգությունը: Վերոգրյալը պարզ էր դեռևս սրանց իշխանության գալու պահից, բայց իշխանությունների հակադիր բևեռում գտնվողները չկարողացան անել իշխանափոխություն ու 18-ի տեսական արհավիրքներն այլևս գործնական դժոխք են դարձել: Թշնամին այսօր գործնականում ունի բոլոր հնարավորությունները Երևանի սրտում ադրբեջանական դրոշը ծածանելու ու, եթե այսպես շարունակվի, դա ընդամենը ամիսների/տարիների հարց ա լինելու: Էս թշնամական իշխանության դեմ Ազգային Ազատագրական պայքար սկսելու ժամանակը գնալով սպառվում է, իսկ դա միակ ճանապարհն է, որով հնարավոր կլինի խուսափել Հայաստանը կորցնելուց: Առանց սահմանների, առանց քաղաքական թույլատրելի գծերի ու անձնազոհ պայքար կամ հայրենազրկում, որում մենք հավասարապես կիսելու ենք տեղի ունեցածի պատասխանատվությունը»: