Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Ես ու կուսակցության անդամները չենք մասնակցելու այսօրվա հանրահավաքին». քաղաքագետ

«Ես ու կուսակցության անդամները չենք մասնակցելու այսօրվա հանրահավաքին». քաղաքագետ
416
Երեքշաբթի, 23 օգոստոսի, 2022 թ., 09:54

Քաղաքագետ Սուրեն Սուրենյանցի գրառումը. «Ես ու կուսակցության անդամները չենք մասնակցելու այսօրվա հանրահավաքին

Էդգար Ղազարյանին մոտիկից չեմ ճանաչում, ըստ այդմ՝ իրավունք չունեմ կասկածի տակ առնել նրա մտադրությունների անկեղծությունը:

Սակայն խնդիրն անձերը չեն, հռչակված շարժման բովանդակային, ինստիտուցիոնալ բաղադրիչներն են:

Դրանք հավատ չեն ներշնչում, քաղաքական ռեալիզմի հետ որևէ աղերս չունեն:

«Անկախության շարժում» անունը խիստ հավակնոտ է, որի տակ քողարկվում է քաղաքական բովանդակության բացակայությունը:

Ինքնիշխանությունն ունի բովանդակություն ու այն չի կարելի սահմանափակել որոշակի քաղաքական, պատմական, ժամանակային միջակայքում ընդունված փաստաթղթի ֆետիշացմամբ: Ի վերջո, դա չի կարող նպաստել Հայաստանի սուբեկտության մեծացմանը, իսկ կոնկրետ (ոչ կարգախոսային) բովանդակություն Ղազարյանից չեմ լսել:

Այս նախաձեռնության հետ հասցրեցին նույնանալ հին համակարգի գրեթե բոլոր սեգմենտները, ինչը գրեթե անհնար է դարձնելու նոր շարժման շուրջ հանրային կոնսոլիդացիան:

Եվ վերջապես. Հայաստանը կարիք ունի ոչ թե ընդդիմադիր բլից-կրիգային սցենարների, որոնք դատապարտված են ձախողման, այլ բովանդակությամբ ու ինստիտուցիոնալ խորքային լուծումներով այլընտրանքային բովանդակության: Դրանց մասին կփորձեմ խոսել «Դեմոկրատական այլընտրանք» կուսակցության սեպտեմբերի 21-ի համագումարում:

Գալով թիմային՝ արձանագրեմ, որ վերը նշված հանգամանքների բերումով, ես ու կուսակցության անդամները չենք մասնակցելու այսօրվա հանրահավաքին:

Աղբյուրը`   Սուրեն Սուրենյանց