«Արզաքանցյանը երևի մոռացել է...». Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է. «Քաղաքական դաշտը վերածվում է կրկեսի

Իմ՝ 21.08.22 թվականի Փաշինյան-Արզաքանցյան համագործակցության գաղտնազերծման ֆեյսբուքյան հրապարակմանը, որում ես արձանագրել էի, որ Նիկոլ Փաշինյանը վարչապետի լծակներն օգտագործում է անձնական շահերի սպասարկման համար, ինչին պատասխանել էր Տիգրան Արզաքանցյանը՝ չհերքելով իմ կողմից ներկայացված փաստերը, մասնավորապես՝ չի պատասխանել այն հարցին, թե ինքը որպես ո՞վ և ի՞նչ հիմքերով է շարունակում մասնակցել արտախորհրդարանական կուսակցությունների հավաքներին։ Արզաքանցյանը երևի մոռացել է, որ մեր հանդիպումներին նաև մասնակցել են այլ հեղինակավոր մարդիկ և նրանք ներկա են եղել, թե ով ինչ է առաջարկել։ Այո՛, ես բարձրաձայնել եմ «Հայկական Ժամանակ» թերթի իմ փայաբաժինը վաճառելու մասին, ինչն արել եմ նաև հրապարակային։

Հ. Գ. Նախկինների ժամանակ օլիգարխները և մեծահարուստները սիրաշահում էին իշխանություններին, որպեսզի թույլատրեին պատգամավորական մանդատ «գնել», իսկ այժմ նրանք կուսակցություններ են ձևավորում և ձգտում իշխանության մաս կազմել, ավելին՝ նույնիսկ փորձում են «քաղաքական մտքեր» ձևակերպել, արդյունքում՝ քաղաքական դաշտը Նիկոլի հովանու ներքո վերածվում է կրկեսի։

Հ. Գ. Վերստին հաստատում եմ, որ Նիկոլը և իր խմբակն աղետ են մեր պետականության համար և նրանցից օր առաջ պետք է ազատվել և ոչ թե համագործակցել»։