«Երկու շաբաթ առաջ հրավիրվել էի Պետերբուրգ, ամաչեցի գնալ». Ռուբեն Հակոբյան

«Ժողովո՛ւրդ, էսօր եկեք միտինգի: Ինքը գիտի, որ եթե դուրս եկավ իշխանությունից, մի վայրկյան չի մնա ազատության մեջ: Ինքը հրեշ է՝ կուլ է տվել մեր արժանապատվությունը»,- ՀՀ առաջին գումարման Գերագույն խորհրդի պատգամավորների մասնակցությամբ նիստի ժամանակ հայտարարեց նախկին պատգամավոր Ռուբեն Հակոբյանը: «Երկու շաբաթ առաջ հրավիրվել էի Պետերբուրգ՝ մասնակցելու քաղաքական քննարկման. ամաչեցի գնալ, որովհետև էդքան զարգացած չեմ, որ գնամ դրսում մեր կեղտոտ սպիտակեղենը դուրս հանեմ: Որ գնամ, պիտի ասեմ՝ ի՞նչ, էս մարդը թշնամուն բերել-մտցրել է մեր պետության ննջարան»,- հավելեց քաղաքական գործիչը: