«Աշխատանքային օրվա աշխատանքային ժամին վարչապետը գտնվում է Սևանի իր ամառանոցում». Էդգար Ղազարյան

«Ինձ թվում է՝ ես Նոստրադամուսն եմ»,- Փաշինյանի հետ չստացված հանդիպումից հետո հայտարարեց Էդգար Ղազարյանը: Ապա նա դիմեց վարչապետին. «Ես չէի եկել քեզ հետ անձնական հարցեր քննարկելու, դու հո շատ լավ գիտես ինչ վիճակի ես հասցրել այս երկիրն ու այս ժողովրդին: Դու կորցրեցիր քեզ համար ամենակարևոր պահը՝ շիտակ խոսքով լսելու այն հիմնավորումները, թե դու ինչու պիտի հեռանաս: Ես ինձ հետ մի փաստաթուղթ էի վերցրել, որ պիտի իր համար կարդայի: 2018 թ., մայիսի 8: Մայիսի 8-ը մինչև նրա իշխանության գալը կոչվել է Եռատոն: Խորհրդանշական կերպով այդ օրը դարձավ ողբերգալից օր, որովհետև նա սրիկայաբար, ամենավերջին կեղտոտ խաբեբայի նման զավթեց մեր ժողովրդի իշխանությունը, պարփակեց իրեն ոստիկանական այսպիսի հսկայական ուժերով: Տեսեք՝ ինչ ուժերով են դիմավորում ինձ, երբ որ շենքը դատարկ է, չկա վարչապետ: Պարզվում է՝ աշխատանքային օրվա աշխատանքային ժամին վարչապետը գտնվում է Սևանի իր ամառանոցում: Որպեսզի իմանանք՝ ինչ արժի սրանց մեկ ամսվա կեցությունը, հարցումներ ենք ուղարկել, մեզ պատասխանել են՝ պետական գաղտնիք է: ՍՈՒ-երի գումարը, զենքի գումարը, Ջաբրայիլի ռազմական չստացված օպերացիան պետական գաղտնիք չեն, որը ինքը լայվերով տրամադրեց թշնամուն, ականապատման «հույժ գաղտնի» գրությամբ քարտեզները գաղտնիք չեն, բայց նրանց ընտանիքի ու 5 շան կեցության ծախսերը գաղտնիք են:
Այնինչ ամսական մենք սրանց վրա ծախսում ենք 88 հազար դոլար»: