«Մի այլ ապագա է բացվում կենսաթոշակառուների առջև»․ Գեղամ Նազարյան

ԱԺ «Հայաստան» խմբակցության պատգամավոր Գեղամ Նազարյանը ֆեյսբուքյան իր էջում գրել է. «1900 դրամով մեկ ամսում հնարավոր է գնել 15 փոքր մատնաքաշ հաց կամ 600 գրամ խոզի միս։ Հնարավոր է նաև այսպիսի տարբերակ. 7,5 փոքր մատնաքաշ և 300 գրամ խոզի միս։ Մի այլ ապագա ևս բացվում է կենսաթոշակառուների առջև։ Այսպես, նրանք կկարողանան միկրոավտոբուսով Երևանից հասնել Իջևան։ Հետ, իհարկե, այլևս այս գումարով չեն կարող գալ, բայց դա արդեն կարևոր չէ։
Իսկ կենսաթոշակառուները վերջապես պետք է հասկանան, որ իրենք քիչ են ստանում, որ խնայված միջոցներով Ալեն Սիմոնյանի համար ծառայողական 90 հազար դոլարանոց ավտոմեքենա գնեն, որ նիկոլին խնայված միջոցներով անդադար տանեն Սևան կամ Իջևան ու հետ բերեն, որ կառավարության շենքում նոր վերելակ տեղադրեն, որ կես միլիոն դոլարանոց մրցանակաբաշխություն անեն։
Մի խոսքով արդար է ժողովուրդ, արդար»։