«Տասը խորհուրդ ուսանողներին». Ռուբեն Մելիքյան
298 Հինգշաբթի, 01 սեպտեմբերի, 2022 թ., 12:48 Իրավապաշտպան Ռուբեն Մելիքյանի գրառումը. «Տասը խորհուրդ բոլոր ուսանողներին՝ 1. Սովորե՛ք ճանաչել ինքներդ ձեզ։ Մշտապես եղեք ներքին երկխոսության մեջ։ Ազնիվ եղեք հայելու առջև։ Դրա անունը կարող եք դնել խիղճ, ներքին ձայն՝ կարևոր չէ։ Թող հենց ձեր իսկ խիղճը լինի ձեր թիվ մեկ դատավորը։ 2. Սովորե՛ք մտածել։ Մի՛ կարծեք, թե մտածելը պարզունակ բան է։ Ուշադրություն դարձրեք ձեր մտապրոցեսին ու սովորեք խուսափել մտքի սխալներից դատողություններում ու եզրահանգումներում։ 3. Սովորե՛ք աճել։ Երբեք մի սահմանափակվեք ունեցած աշխարհայացքով։ Գրքեր կարդացեք, ֆիլմեր դիտեք, երաժշտություն լսեք։ Կասկածեք։ Փնտրեք։ 4. Սովորե՛ք չհիասթափվել։ Կուռքեր մի՛ ստեղծեք, որ հետո չհիասթափվեք։ Սահմանափակեք ձեր ոգևորությունը։ 5. Սովորե՛ք հարգել։ Եթե բոլորը ձեր պես մտածեին, կյանքը կլիներ անհետաքրքիր։ Վիճեք, բայց հարգանքով։ Անգամ եթե կռվում եք, մի՛ կորցրեք հարգանքը։ 6. Սովորե՛ք երազել։ Առանց երազանքների կյանքը տաղտկալի է։ Ճիշտ երազանքներ ունեցեք։ 7. Սովորե՛ք լռել։ Խոսեք, երբ կարևոր է։ Կարծիք հայտնեք, երբ տեղյակ եք։ Հարգե՛ք ձեր լռությունը։ 8. Սովորե՛ք գնահատել։ Զանազանեք թացը չորից, արժեքավորը՝ աղբից, հավերժականը՝ անցողիկից։ Լավ սովորեք։ 9. Սովորե՛ք չչարանալ։ Հարվածներն ընդունեք արժանապատվորեն։ Մի՛ թունավորեք ինքներդ ձեզ ատելությամբ։ 10. Սովորե՛ք չընդունել ուրիշի խորհուրդները։ Այդ թվում՝ սրանք։ Ձևավորե՛ք ձեր Սահմանադրությունն ինքնուրույն։ Միևնույն է՝ դուք խորհուրդ լսող չեք»։ Աղբյուրը` Ռուբեն Մելիքյան |
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
125Երեկ, 19:36«Բուհի դիպլոմ չունենալու պատճառով Տավուշում աշխատանքից ազատել են 55 ուսուցչի»․ Ոսկան Սարգսյան
24526.03.2024, 10:48«Ահագուժող դիտարկումները, թե այսօր-վաղը ինչ-որ բան է պատահելու, անտեղի են». Ժաննա Անդրեասյան
37523.03.2024, 23:48100-ից ավելի գիտնականներ պահանջում են խոտանել «Հայոց պատմության» 7-րդ դասարանի դասագիրքը
42322.03.2024, 18:18ՀՀ-ում 7 բուհ չունի ռեկտոր․ իշխանությունը «ենթարկվող» մարդկանց է փնտրում
41921.03.2024, 23:18«Այդ հարցն ինձ համար սպառված է». ԿԳՄՍ նախարար (տեսանյութ)
38521.03.2024, 12:18Գեղարքունիքում աշակերտին բռնության են ենթարկել «գանգուր մազերի ու լավ սովորելու համար» (տեսանյութ)
40120.03.2024, 16:06Փաշինյանը կասկածի տակ է դնում ՀՀ բուհերի որակական հատկանիշները, իսկ Անդրեասյանը լռում է. «Ժողովուրդ»
33120.03.2024, 09:18