«Մտնելու ենք 72 ժամվա ընթացքում Փաշինյանին պաշտոնանկ անելու գործընթացի մեջ». Սաղաթելան

«Առավոտվանից մենք սկսում ենք նախաձեռնություն Հայաստանի բոլոր քաղաքական ուժերի, վերլուծաբանների, փորձագետների, մտավորականների, բոլոր կարող մարդկանց հետ սկսում ենք խորհրդակցություններ։ Կա երկու հիմնական ուղղություն՝ Հայաստանը Նիկոլից հետո զարգացման ծրագիր և շարժումն ավելի ընդլայնելու ու ուժ տալու ծրագիր»,- Ֆրանսիայի հրապարակում հայտարարեց «Դիմադրություն» շարժման համակարգող Իշխան Սաղաթելյանը՝ ներկայացնելով առաջիկա անելիքները։

«Այս իշխանություններին հեռացնելու համար կա երկու ճանապարհ՝ հրաժարական և պաշտոնանկություն խորհրդարանի միջոցով։ Երկու ուղություններով էլ հաջողության կարող ենք հասնել համաժողովրդական լայն ճնշման դեպքում։

Անհրաժեշտ է պատգամավորների 1/3-ի քվեն, որպեսզի գործընթացը մտնի պաշտոնական շրջանառության մեջ։ Մեզ անհրաժեշտ է 36 ստորագրություն։ Վարչապետի թեկնածուն որոշվելու է ժողովրդի մասնակցությամբ։ Երբ մենք ապահովենք 36 ստորագրություն և մեկնարկի գործընթացը, այն տևելու է 48-ից 72 ժամ։ Այդ 72 ժամվա ընթացքում մեզ անհարժեշտ են տասնյակ հազարավոր քաղաքացիներ 24-ժամյա ռեժիմով՝ ընդամենը 72 ժամ»,- ասաց Սաղաթելյանը՝ հավելելով․ «Եթե մենք 3 օրից մտնենք խորհրդարան և այդ գործընթացը չհաջողվի, այն կհետաձգվի 6 ամսով»։