«Ստեղծված իրավիճակը մեկնաբանվում է հետևյալ կերպ». Սայաթ Շիրինյան

Ոստիկանության գնդապետ, «Հայաստան» դաշինքի անդամ Սայաթ Շիրինյանի գրառումը. «Ստեղծված իրավիճակը մեկնաբանվում է հետևյալ կերպ՝ պաշտպանվիր, որ պաշտպանես նիկոլին, արդարացիր, որ արդարացնես նիկոլին։

Ի՞նչ պետք է անեն Պաշտպանության բանակի նախկին հրամանատարներ Ջալալ Հարությունյանն ազատության մեջ և Միքայել Արզումանյանը՝ կալանավայրում։

Իհարկե, ամեն կերպ պետք է փորձեն ապացուցել, որ իրենք մեղավոր չեն և որ ստեղծված իրավիճակում Շուշին այլևս փրկել հնարավոր չէր։

Իրավիճակը բոլոր առումներով էլ հօգուտ նիկոլի է։

Ա) Եթե «ապացուցվի», որ, այնուամենայնիվ, բարձրաստիճան զինվորականների մեղքով է ընկել Շուշին, ապա ինքըստինքյան նիկոլն արդարացվում է, հետևյալ ձևակերպմամբ՝ ի՞նչ աներ «խեղճ հարիֆը», երբ բարձրաստիճան զինվորականներն իրենց պարտականություններում թերացել են, և որ նիկոլը դավաճան չի։

Բ) Բարձրաստիճան զինվորականները ջանալու են ապացուցել, որ ոչ թե իրենց անփութության հետևանքով է ընկել Շուշին, այլ ստեղծված իրավիճակում, զորքերի ու զինատեսակների հարաբերակցության արդյունքում օբյեկտիվորեն հնարավոր չէր փրկել Շուշին։

Այս պարագայում ևս դարձյալ արդարացվում է նիկոլը, այս անգամ հետևյալ ձևակերպմամբ՝ ի՞նչ աներ «խեղճ հարիֆը», ինքը հո չի հանձնել «դժբախտ ու դժգույն» Շուշին, և որ նիկոլը դավաճան չի։

Հ. Գ. Շախմատում նման իրավիճակը կոչվում է «վիլկա»։ Տվյալ դեպքում «վիլկա» իրավիճակ ստեղծել է նիկոլը և
գեներալներին ասում է՝ ձեռք եք տվել, դե խաղացեք»։