«Հերթական նոր զոհը․ որքան պետք է հանդուրժենք»․ Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը գրում է. «Խաղաղության հանրահռչակման այս խելացնոր ժամանակներում հերթական նոր զոհը՝ հայ-ադրբեջանական սահմանագոտու արևելյան մարտական դիրքում հակառակորդի արձակած կրակոցից սպանվել է մեր պարտադիր զինծառայողը։ Որքան պետք է հանդուրժենք այս զոհաբերումները, որքան համաձայնում ենք ադրբեջանի վերջնագրերին, որքան ծնկում և նվաստանում ենք, «ապառազմականացվում», այնքան բնականորեն աճում է թուրք-ադրբեջանական ճնշումը, Ռուսաստանի օտարացումը, թրքահակումը, Արևմուտքի ադրբեջանամետությունը։ Ձախողված արտաքին քաղաքականությունը, դիվանագիտությունը ուղիղ համեմատական է ինքնիշխանության կորստին, Արցախի և Հայաստանի հայաթափմանը։ Իսկ մենք շարունակում ենք ապրել ուղեղային մորմոքներով կրկեսի վերածված պետության մեջ, խեղկատակների ցուցքում»։