«Ծանր ժամանակներ են». Անի Սամսոնյան

223

Հինգշաբթի, 08 սեպտեմբերի, 2022 թ., 17:18

Նախկին պատգամավոր Անի Սամսոնյանը ֆեյսբուքյան իր էջում գրում է. «ԱԺ նստաշրջանի բացմանն ընդառաջ թերթերը գրում են, որ խորհրդարանական ընդդիմությունը որոշում է վերադառնալ ԱԺ, թե ոչ: Խորհրդարանական ընդդիմությունը, իհարկե, վերադառնալու էր ԱԺ, որովհետև Փաշինյանի իշխանությունը վերալեգիտիմացնելու և ամրապնդելու սուրբ գործն այս փուլում չի ավարտվել: Խորհրդարանական ընդդիմությունը մեծ հույս ունի և սպասում է, որ վարչապետը հեսա մի կեղտոտ թուղթ կստորագրի, Ադրբեջանի հետ, ինչ «մրոտ» հարցեր կա կլուծի, հետո իշխանությունից կզրկվի, իսկ իրենք հանգիստ կարող են վերցնել այդ իշխանությունն առանց մրոտվելու:

Իսկ թե ինչ կմնա Հայաստանից, դա բնավ իրենց հետաքրքիր չի: Մի խոսքով, մոտավորապես 2018-ի պես են մտածում ու դասեր չեն քաղել ոնց որ թե: Ծանր ժամանակներ են...»:

Աղբյուրը` Անի Սամսոնյան