Դատարանի վճռով Նարեկ Մանթաշյանը ներողություն է խնդրել Ալեն Սիմոնյանից

«Հայաստան» դաշինքի անդամ Նարեկ Մանթաշյանի գրառումը․ «Հարգելի ընկերներ, վերջին օրերին իշխանական մամուլը այս թեմայով վայնասուն էր դրել և, կարծես, դրանով փորձել էր սեփական զանգվածին կերակրել հերթական փուչ հաղթանակով։ Կարծում եմ՝ արժե, որ մեկնաբանեմ:
Բոլորդ գիտեք՝ այսօրվա դատարանների բռնազավթված և անփառունակ լինելու մասին, և ամենևին էլ անսպասելի չէր նման որոշումը:
Այո՛, դատարանը մասնակի բավարարել է ալենի հայցը, և հաշվի առնելով իմ կարգավիճակը, գրավի մեծությունը և այս վճիռը չկատարելու հետևանքները, որոշում եմ կայացրել դատարանի վճիռը կատարել և բառացի հրապարակել եմ դատարանի պարտադրանքը:
Ավելորդ կլինի նշել, որ սա չի կարող ներկայացնել իմ վերաբերմունքը ալենների և ալենանմանների նկատմամբ և, կարծում եմ, բավական մեղմ եմ եղել իմ նախկին գնահատականներում:
Նշեմ, որ վճարել եմ նաև վիրավորանքի (նրա ինքնասիրության) գինը)):
Մնացածը ժամանակը ցույց կտա. կյանքը շարունակվում է, իմ մոտ ոչինչ չի փոխվել, պայքարը շարունակվում է՝ Առանց թուրքի Հայաստան...»։