«Հայաստանի վերջնական կապիտուլյացիան հնարավոր է կանխել». Նաիրա Զոհրաբյան

«Հայաստանի իրական օրակարգն այն է, որ նոր պատերազմը մեր քթի տակ է, Ադրբեջանը պատրաստվում է պատերազմի ու այս պահին մեր ցանկացած գործողություն պիտի միտված լինի ազգային-ազատագրական պայքարին»,- ասուլիսի ժամանակ հայտարարեց նախկին պատգամավոր Նաիրա Զոհրաբյանը: Նրա խոսքով՝ Փաշինյանը խճճվել է Մոսկվայի ու Բրյուսելի սարդոստայններում, գրավոր ու բանավոր խոստումների սարդոստայնում, և պատերազմը բերել է՝ այս անգամ Հայաստան: «Պետք է կողմ դնենք հնարավոր բոլոր տարաձայնությունները, դադարեցնենք սպասարկել անպտուղ օրակարգեր, պիտի հնչեցվի հայրենական պատերազմի կոչ»,- ասաց Զոհրաբյանը: «Հնարավոր պատերազմը, խայտառակ պայմանագիրը, որը լինելու է Հայաստանի վերջնական կապիտուլյացիան, հնարավոր է կանխել մի դեպքում՝ Փաշինյանի հեռացմամբ»,- հայտարարեց նախկին պատգամավորը: