Բայդենը Ռուսաստանին սպառնացել է հետևանքներով՝ միջուկային զենքի կիրառման դեպքում

Եթե Ռուսաստանն Ուկրաինայում միջուկային կամ քիմիական զենք օգտագործի, դա կունենա իր հետևանքները, այս մասին CBS-ին տված հարցազրույցում ասել է ԱՄՆ նախագահ Ջո Բայդենը։ Նրա խոսքով՝ դա կփոխի պատերազմի դեմքն այնպես, ինչպես դեռ ոչինչ չի փոխել Երկրորդ համաշխարհային պատերազմից հետո. «Պատասխանը կորոշենք՝ կախված նրանից, թե ինչ չափով նրանք դա կանեն»,- ասել է Բայդենը՝ պատասխանելով լրագրողների հարցերին: