«Վիրավոր զինծառայողների առողջական վիճակի մեջ կա դրական դինամիկա. քաղաքացիական անձանցից մեկի վիճակը կայուն ծանր է». նախարար

«Ադրբեջանի ագրեսիայի հետևանքով վիրավորում ստացած զինծառայողների մի մասն արդեն դուրս է գրվել հիվանդանոցներից, քաղաքացիական անձանցից մեկի վիճակը կայուն ծանր է»,- լրագրողներին հայտնել է ՀՀ առողջապահության նախարար Անահիտ Ավանեսյանը:

«Հիվանդանոցներում արդեն բավական դուրսգրվածներ ունենք: Ե՛վ մեր բոլոր վիրավոր զինծառայողների, և՛ քաղաքացիական անձանց առողջական վիճակի մեջ կա դրական դինամիկա»,-ասել է Ավանեսյանը:

«Բժիշկներն ամեն ինչ անում են, որ մենք ունենանք դրական դինամիկա: Այն, որ վիճակը կայուն է, բավականին լավ է»,-հավելել է նախարարը: