Հայաստանի վրա Ադրբեջանի հարձակումը դատապարտող օրինագիծ՝ ԱՄՆ Սենատում
![]() 566 Չորեքշաբթի, 28 սեպտեմբերի, 2022 թ., 11:12 Միացյալ Նահանգների Սենատի արտաքին հարաբերությունների հանձնաժողովի նախագահ, դեմոկրատ Ռոբերտ Մենենդեսը և ազդեցիկ հանրապետական սենատոր Մարկո Ռուբիոն երեկ բանաձևի նախագիծ են ներկայացրել, որը դատապարտում է Ադրբեջանի վերջին չհրահրված հարձակումը Հայաստանի վրա, գրում է «Ազատությունը»: Ամերիկայի Հայ դատի գրասենյակի հաղորդագրության համաձայն՝ երկու կուսակցությունների ազդեցիկ անդամների հեղինակած օրինագիծը նաև կոչ է անում անմիջապես դադարեցնել անվտանգության ոլորտում ամերիկյան օգնությունը Բաքվին, հորդորում է ազատ արձակել հայ ռազմագերիներին և դիտարկել Ադրբեջանի դեմ պատժամիջոցների հնարավորությունը՝ պատերազմական հանցագործությունների համար: Բանաձևի նախագիծը Ադրբեջանին կոչ է անում հարգել Հայաստանի տարածքային ամբողջականությունը, Միացյալ Նահանգներին՝ ամուր մարդասիրական օժանդակություն ցուցաբերել Ադրբեջանի ագրեսիվ պատերազմից տուժած Հայաստանի և Արցախի ժողովրդին: «Ադրբեջանի վերսկսած հարձակումը Հայաստանի տարածքի վրա և քաղաքացիական ենթակառուցվածքի անսիրտ թիրախավորումը մարդկային կյանքի նկատմամբ քամահրանքի սարսափելի ցուցադրություն է», - ընդգծել է Մենենդեսը: Նրա խոսքով՝ հայկական բնակավայրերը տառապում են Ալիևի ռեժիմի ձեռքից, և հրամայական է, որ ԱՄՆ կառավարությունը դադարեցնի անվտանգության ոլորտում ամեն տեսակի օժանդակությունը Բաքվին: Ավելի վաղ սենատոր Մենենդեսը Ադրբեջանին ամերիկյան անվտանգային օժանդակությունը դադարեցնելու կոչով նամակ էր հղել Ջո Բայդենի վարչակազմին: Հայ-ադրբեջանական սահմանին ինտենսիվ ռազմական գործողությունները սկսվել են սեպտեմբերի 13-ի կեսգիշերին: Սեպտեմբերի 14-ի երեկոյան Հայաստանի անվտանգության խորհրդի քարտուղարը հայտարարեց, որ միջազգային հանրության ներգրավվածության շնորհիվ հաջողվել է ձեռք բերել հրադադարի պայմանավորվածություն՝ այլ մանրամասներ չհայտնելով: Մարտերի հետևանքով հայկական կողմի զոհվածների և անհետ կորածների պաշտոնապես հրապարակված թիվը 207 է, Բաքուն 80 զոհի մասին է տեղեկացրել։ Պաշտոնական տվյալներով՝ վերջին մարտերից հետո հայկական կողմն ունի առնվազն 20 ռազմագերի։ Այս ընթացքում հրադադարի խախտման մի քանի դեպք է արձանագրվել, երկու կողմից զինծառայողներ են վիրավորվել: |
«Զելենսկին ստիպված կլինի գործարք կնքել Պուտինի հետ». Թրամփ
19019:02«Հանրությունը շատ ավելի ուժեղ է, քան իրեն թվում է». Տաթևիկ Հայրապետյան
12517:48«Հավատո՞ւմ եք, որ Փաշինյանն ազատ ու արդար ընտրություններ է անցկացնելու». Ոսկան Սարգսյան
19417:36«Փոխանակ ներկայացնեն նոր անցագրային կետի ձևը, կնիքն են փոխում»․ Հովսեփ Կուբատյան
14417:12«Հարավային Կովկասի կիսատ մնացած խնդիրները կարող են ռեգիոնալ բախումների առիթ հանդիսանալ»․ Արտակ Զաքարյան
14817:00«Իմփիչմենթի գործընթացը նոր փուլ է մտնում»․ Էդգար Ղազարյան
22316:36Գյումրու ավագանու նիստը՝ ուղիղ միացմամբ (տեսանյութ)
15116:12Պաղեստինի ԱԳՆ-ն կոչ է արել երկրներին միջամտել և դադարեցնել Գազայի վրա հարձակումը
14016:02