«Ես պատրաստ չեմ կռվելու, զոհ տալու»․ «բա ինչի՞ եք պատրաստ՝ թուրքի տիրապետության տակ մտնելո՞ւ»․ բողոքի ցույց

«Ես մի բան գիտեմ՝ բոլորը ձեռքերը հետ են քաշել մեզանից, ես մեր զորությունը լավ գիտեմ․․․ ուզում են զոհ տանք, հետո՝ տան, ես դրան պատրաստ չեմ, ժողովուրդ։ Ես պատրաստ չեմ կռվելու, զոհ տալու»,- դիմելով Արցախի նախագահի նստավայրի մուտքը փակած քաղաքացիների, ասաց ԱԺ նախագահ Արթուր Թովմասյանը։

«Բա դուք ինչի՞ եք պատրաստ․ թուրքի տիրապետության տակ մտնելո՞ւ»,- արձագանքեց քաղաքացիներից մեկը։

Թովմասյանն ասաց, որ երկրի ղեկավարությունը ևս չի ուզում Ադրբեջանի կազմ մտնել․ «Ես ձեզ ասում եմ՝ եթե մենք մտնենք Ադրբեջանի կազմ, ստեղ մարդ չի մնալու, հայաթափվելու ա»,- ասաց նա։