«Հայաստանի տարբեր պաշտոնյաներ տարբեր բաներ են ասում»․ Արցախի ԱԺ պատգամավոր

Արցախի Ազգային ժողովի «Հայ Հեղափոխական Դաշնակցություն» խմբակցության պատգամավոր, արտաքին հարաբերությունների հանձնաժողովի նախագահ Վահրամ Բալայանը «Երկիր Մեդիային» տված հարցազրույցի ընթացքում խոսել է Արցախի պատվիրակության Հայաստան ժամանման մասին և տեղեկացրել, թե ինչ են նրանց հավաստիացրել ՀՀ իշխանությունները․ «Արցախյան հիմնահարցի կարգավորմամբ զբաղվող փորձագիտական որոշ շրջանակների հետ ենք հանդիպել. պաշտոնական հանդիպում ենք ունեցել Անվտանգության խորհրդի քարտուղար Արմեն Գրիգորյանի հետ։ Հայաստանի տարբեր պաշտոնյաներ երբեմն տարբեր բաներ են ասում, այստեղ համակարգված աշխատանքի անհրաժեշտություն կա, անկախ ամեն ինչից, ես կողմնակից եմ, որ անընդհատ խոսենք իրար հետ, որովհետև վերջիվերջո մենք մեր հաջողությունները կերտել ենք միասնականության շրջանակում, պետք է շարունակել համազգային մեր շահերը պաշտպանել»: