«Հույս ունենանք, որ նոր արկածախնդրության մեջ չենք ներքաշվի». Արա Պողոսյան

Քաղաքագետ Արա Պողոսյանի գրառումը. «Աստանայի հանդիպման ընթացքում Փաշինյանի ելույթը հակասական է այն իմաստով, որ վերջինս 2020 թվականից հետո և՛ միջազգային, և՛ տեղական ընկալումներում պատկերանում է որպես անհավասարակշիռ, դյուրագրգիռ, ոչ կոմպետենտ, անսկզբունքային մեկը։ Ուստի իր ելույթն իր կերպարի հետ բավականին անհամատեղելի էր։ Սակայն եթե վերջինիս կերպարը հաշվի չառնենք (չնայած դա մեծ սխալ կլինի), ապա ելույթն արժեքավոր էր այն իմաստով, որ 2020 թվականից հետո առաջին անգամ Հայաստանի ղեկավարը տետ-ա-տետ հանդիպման ժամանակ փորձում է նկարագրել իրավիճակը ինչպես որ է, ... կամ գրեթե...

Այնուամենայնիվ ելույթը վերագրելու էր այն երկրի ղեկավարին, որը թեև պարտվել, բայց պարտությունից հետո առնվազն կառուցել է պաշտպանական համակարգ, սպառազինել է իր բանակը, ու երկիրը պատրաստել է նոր մարտահրավերներ դիմագրավելու համար։

Իսկ արդյո՞ք այդպես է իրավիճակը, արդյո՞ք Փաշինյանը արել է դա... կարծում եմ՝ ոչ։ Հետևաբար հույս ունենանք, որ նոր արկածախնդրության մեջ չենք ներքաշվի»։