Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Բացառություն է միայն Իրանը, որն ի զորու է փոխել տարածաշրջանի պետությունների ծրագրերը»․ Արթուր Ղազինյան

«Բացառություն է միայն Իրանը, որն ի զորու է փոխել տարածաշրջանի պետությունների ծրագրերը»․ Արթուր Ղազինյան
220
Երեքշաբթի, 18 հոկտեմբերի, 2022 թ., 03:18

ՀՀ ԱԺ նախկին պատգամավոր Արթուր Ղազինյանը գրում է. «Ռուս-թուրքական դաշինքները չունեն ռազմավարական բնույթ և, որպես կանոն, նպատակ ունեն թույլ չտալ Արևմուտքի (ԱՄՆ) մուտքը Հարավային Կովկաս:

Նույն նպատակով հաստատվեց ռուս-թուրքական դաշինքը նախորդ դարի 20-ականներին, որի շրջանակներում հիմնադրվեց «Լենինի անվան» Թուրքիան. բոլշևիկյան Ռուսաստանի ֆինանսական և ռազմական օգնության շնորհիվ Քեմալ Աթաթուրքին հաջողվեց ստեղծել ժամանակակից Թուրքիան:

Հայերի համար այս դաշինքը աղետալի դարձավ հատկապես Սևրի դաշնագրի ստորագրումից հետո, երբ ԱՄՆ-ի կողմից հայերին առաջարկվեց երազանքի պետություն, ինչը ստիպեց բոլշևիկներին ու թուրքերին գործել՝ ԱՄՆ-ին տարածաշրջան մուտքն արգելափակելու համար:

Միակ բանը, որ մինչ այս պահը մինչ հասկացել, թե ինչպե՞ս Լենինի անվան Թուրքիան դարձավ ՆԱՏՕ-ի անդամ, բայց արդեն տեսանելի է, որ գործընթացներն ընթանում են այս պատմական շեղումը վերացնելու ուղղությամբ:

Հ. Գ. Այսօրվա իրավիճակի նմանությունը նախորդ դարի նույն ժամանակահատվածի ապշեցուցիչ է. տառացիորեն նույն շահերն են՝ նույն նպատակներով:

Բացառություն է, թերևս, միայն Իրանը, որն ի զորու է փոխել տարածաշրջանի պետությունների ծրագրերը...»:

Աղբյուրը`   Արթուր Ղազինյան