«Կուսակցությունների անդամները շատ անգամ չգիտեին, որ իրենք այս կամ այն գաղափարի կրող են». Վահե Գևորգյան

Երևանի ավագանու անդամ Վահե Գևորգյանը ֆեյսբուքյան իր էջում գրել է. «Տարիներ առաջ Թուրքիայից BBC-ի լրագրողների խումբ էր եկել Հայաստան։ Այն ժամանակի գրեթե բոլոր քիչ թե շատ հայտնի կուսակցությունների հետ հանդիպումներ ունեցան։ Ապշած էին մի բանից, որ ոչ մի կուսակցություն չէր կարողանում ասել, թե իրենց քաղաքական ուժը ի՞նչ գաղափարախոսություն ունի։ Հարցնում էին՝ աջ եք, ձախ եք, բա ի՞նչի շուրջ եք հավաքվել, ոնց ժողովուրդը տարբերի ում ընտրի։ Վերջը տեսան ոչ մի ադեկվատ պատասխան չեն ստանում, ծրագրերն էին ուզում, որ հասկանան։ Հիմա ծրագիրը կարդում են, ինչ-որ բաներ քչփչում ու ասում, օրինակ, ըստ այս ծրագրի ավելի շատ լիբերալ եք, բայց հակասությունները շատ են։ Երկրորդ զարմանքը էն եղավ, որ կուսակցությունների անդամները շատ անգամ չգիտեին, որ իրենք այս կամ այն գաղափարի կրող են, շատ անգամ նեղվում ու զարմանում էին։ Վերջում զեկույց գրեցին, որ էս խառը վիճակի մասին կարելի ա հետազոտություններ անել»: