«Բացահայտ դավաճանություն է անում ոչ միայն Հայաստանի քաղաքական, այլև ռազմական իշխանությունը»․ Շանթ Հարությունյան

«Ցեղակրոն» կուսակցության առաջնորդ Շանթ Հարությունյանը «Նոյան Տապանի» տաղավարում խոսել է Հայաստանի քաղաքական, ռազմական իրավիճակի մասին․ «Հիմա բացահայտ դավաճանություն է անում ոչ միայն Հայաստանի քաղաքական, այլև ռազմական իշխանությունը։ Այսօր լսում էի ՀՀ զինված ուժերի գլխավոր շտաբի պետի ասուլիսը, սկզբից ինձ թվաց, որ դա միջազգային Կարմիր խաչի գրասենյակի ղեկավար կլինի, կամ հումանիտար միջազգային կառույցի, մարդու իրավունքների ՀԿ ղեկավար, ոնց որ զինվորական չլինի։ Հետո, որ լրիվ լսեցի, ես հասկացա, որ ինքը թուրքի շպիոն է, Ադրբեջանի շտաբի պետի անունից էր խոսում։ Մինչև հիմա ՀՀ ղեկավարությունը դավաճանություններ է անում, ՀՀ քաղաքական իշխանությունը, Ռուսաստանի ցուցումով, Ադրբեջանի օգտին դավաճանում է սեփական հայրենիքը։ Ես միշտ ասել եմ՝ ժողովո՛ւրդ, Նիկոլը, ընդունենք, եթե նույնիսկ դավաճան չի, այդ մարդն իր ամբողջ պոտենցիալը 44 օրվա դրել է այդ պատերազմի մեջ՝ որպես ղեկավար, ինչ արդյունք ստացել ենք՝ իր պոտենցիալը դա է, նման իրավիճակներում նա միշտ տանուլ է տալու։ Նա իրեն պահում է կամ դավաճանությունից ելնելով, կամ տգիտությունից»,- նշել է Հարությունյանը։