«Նույն տարամաբնությամբ կարող է ազգությամբ ադրբեջանցին ունենալ ՌԴ քաղաքացիություն». Արա Ֆիդանյան

ՀՀ ոստիկանության պետի առաջին տեղակալ Արա Ֆիդանյանը լրագրողների հետ զրույցում խոսել է 150 հազար դոլարի ներդրման դիմաց ՀՀ քաղաքացիություն ստանալու օրենքի նոր նախագծի մասին․ «150 հազար դոլարի ներդրման դիմաց չէ, որ կարող են քաղաքացիություն ստանալ, այլ սահմանում ենք նաև այլ չափորոշիչներ։ Նախ սահմանվելու է սահմանափակ թվով մարդկանց քաղաքացիության տրամադրում։ Ազգություն չենք կարող սահմանել օրենքում, սակայն բոլոր ռիսկերը միանշանակ հաշվի են առնվելու»։
Խոսելով ազգությամբ թուրքերի ու ադրբեջանցիների՝ ստեղծված հնարավորությունից օգտվելու վտանգների մասին՝ Ֆիդանյանը նշել է, որ հարաբերական է Ադրբեջանի քաղաքացի ասվածը, նույն տարամաբնությամբ կարող է ազգությամբ ադրբեջանցին ունենալ ՌԴ քաղաքացիություն, հետևաբար՝ բացառապես կենտրոնանալ քաղաքացիության գործոնի վրա իրենք չեն պատրաստվում։