Երկուշաբթի, 23 փետրվարի, 2026 թ.
|
Ստեփանակերտում`   +6 °C

«ՀՀ-ում այդ տեղեկությունը հանրության մի մասը կմեկնաբանի հետևյալ կերպ». Հակոբ Բադալյան

«ՀՀ-ում այդ տեղեկությունը հանրության մի մասը կմեկնաբանի հետևյալ կերպ». Հակոբ Բադալյան
247
Շաբաթ, 22 հոկտեմբերի, 2022 թ., 00:30

Քաղաքական մեկնաբան Հակոբ Բադալյանի գրառումը. «Գրեթե վեցամսյա դադարից հետո տեղի է ունեցել ՌԴ ու ԱՄՆ պաշտպանության նախարարների հեռախոսազրույց, որի ընթացքում նրանք քննարկել են իրավիճակն Ուկրաինայում և միջազգային անվտանգության այլ հարցեր: Հայաստանում այդ տեղեկությունը հանրության մի մասը կմեկնաբանի հետևյալ կերպ՝ ռուսների վիճակն այնքան վատ է, որ ստիպված են խոսել ամերիկացիների հետ ու պայմանավորվել:

Մյուս մասը կմեկնաբանի հետևյալ կերպ՝ ռուսներն այն աստիճան են ուժգնացրել Ուկրաինային ուղղված հարվածները, որ ամերիկացիներն են խոսել՝ պայմանավորվելու ակնկալիքով:

Կարծիքս գործնականում այն, որ վերջին անգամ մայիսի 13-ին հեռախոսազրույց ունեցած Օսթինն ու Շոյգուն խոսում են հոկտեմբերի 21-ին, անշուշտ վկայում է այն մասին, որ այդ խոսակցությունը նվազագույն աստիճանի պահանջվածություն ունեցել է երկուստեք: Ում մոտ ավելի շատ, ինքս բնականաբար չգիտեմ, չեմ կարող ասել: Բայց այդօրինակ շփումները հակված եմ գնահատել դրական՝ ընդհանուր իրավիճակի կառավարելիության առումով»:

Աղբյուրը`   Հակոբ Բադալյան