Երկուշաբթի, 23 փետրվարի, 2026 թ.
|
Ստեփանակերտում`   +6 °C

«1994 թվականից ի վեր Ադրբեջանը որևէ թուղթ չստորագրեց. հիմա գնում են՝ Ալիևի հետ ի՞նչ ստորագրեն». Թևան Պողոսյան

«1994 թվականից ի վեր Ադրբեջանը որևէ թուղթ չստորագրեց. հիմա գնում են՝ Ալիևի հետ ի՞նչ ստորագրեն». Թևան Պողոսյան
284
Չորեքշաբթի, 26 հոկտեմբերի, 2022 թ., 12:54

Քաղաքագետ Թևան Պողոսյանը 168 TV-ի եթերում անդրադարձել է ԵՄ դիտորդների՝ Հայաստան ժամանմանը․ «Ռուսաստանն ու Իրանը որոշակի վտանգ են զգում ԵՄ դիտորդների առկայությունից։ Իրանի ԱԳՆ-ն հայտարարել է, որ դրսի ուժերը չպետք է ներգրավվեն, բայց դրսի ուժերի մեջ ՌԴ-ն չի մտնում, որովհետև արդեն 30 տարի է՝ ռուս սահմանապահներն են կանգնած հայ-իրանական սահմանին: ՌԴ ԱԳՆ-ն էլ է երեկ արձագանքել: Այստեղ պետք է սկսեր մեր դիվանագիտությունն աշխատել, սակայն մենք պետական ինստիտուտներ ունե՞նք»:

Խոսելով խաղաղության պայմանագրի մասին Թևանյանը շեշտել է՝ դրա ստորագրումն ինչ-որ գին է, որը իշխանությունները վճարում են՝ իրենց իշխանությունը պահելու համար. «Չի կարելի այսօր որևէ բան ստորագրել, Ադրբեջանը 1994 թվականից ի վեր որևէ թուղթ չստորագրեց, ինչքան էլ դռների ետևում պարտադրում էին: Երբ ասում ենք՝ պարտադրում են, այդ երկրներն իրենց շահերի համար պարտադրում են, համոզում։ ՀՀ իշխանությունների՝ այս հարցի լուծումը հարցականի տակ է դնում՝ հաջորդ սերունդն այստեղ լինելո՞ւ է, թե՞ ոչ»։

Քաղաքագետի խոսքով՝ Ալիևը նույնիսկ նոյեմբերի 9-ի փաստաթղթի տակ դրած իր ստորագրությունը չի հարգել. «Հիմա գնում են՝ Ալիևի հետ ի՞նչ ստորագրեն»։

Մանրամասները՝ տեսանյութում:

«1994 թվականից ի վեր Ադրբեջանը որևէ թուղթ չստորագրեց. հիմա գնում են՝ Ալիևի հետ ի՞նչ ստորագրեն». Թևան Պողոսյան