«Ինչո՞ւ այնպիսի քաղաքականություն չես վարել, որ Ռուսաստանը ճնշումները վարի քո թշնամու հանդեպ»․ Թևան Պողոսյան

Քաղաքագետ Թևան Պողոսյանը «Երկիր Մեդիա» հեռուստաընկերության եթերում անդրադարձել է իշխանական պատգամավորների այն դիտարկմանը, թե Բրյուսելում Ալիևը գլուխը կախ է, իսկ ՌԴ-ում՝ ոնց որ ձուկը ջրում:

«Ինչո՞ւ ես հարաբերություններդ այնպես կառուցել, որ քո ռազմավարական դաշնակցի համար քո թշնամին ավելի կարևոր դառնա։ Քո վարած քաղաքականությունն է այդ արդյունքին բերել, իսկ ինչո՞ւ այնպես չես վարել, որ հակառակը՝ Ռուսաստանը բոլոր ճնշումները վարի քո թշնամու հանդեպ. ո՞ւմ ենք մեղադրում, այդ ո՞վ է բաց թողել այն հնարավարությունները, որ չհասնեինք այս կետին, ոչ թե միայն մեղադրեինք»,- ասել է քաղաքագետը։

Պողոսյանը նաև նկատել է․ «Իսկ այդ ո՞նց է ստացվում, որ Շառլ Միշելը Ալիևի և Փաշինյանի հետ յուրաքանչյուր հանդիպումից հետո ավելի շատ պրոադրբեջանական տեսակետով է հայտարարություններ անում»։