«Իրենք ասում են՝ Փաշինյանը պետք է հրաժարական տա». Հ. Հակոբյանը՝ Զատուլինի և Սիմոնյանի ՀՀ մուտքի արգելման մասին

ԱԺ ՔՊ խմբակցության պատգամավոր Հրաչյա Հակոբյանը լրագրողի հետ զրույցում անդրադարձել է ՌԴ ԱՊՀ գործերի եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինի՝ ՀՀ մուտքի արգելման մասին որոշմանը․ «Եթե վերլուծենք իրենց արած այլ հայտարարություններ, որ օրինակ՝ Նիկոլ Փաշինյանն է մեղավոր պատերազմի, պարտության համար, ընդհուպ մինչև իրենք անում են հայտարարություններ մոտավորապես այսպիսի բովանդակությամբ, որ Փաշինյանը պետք է հրաժարական տա, կարծում եմ, որ դա այլ երկրի սպասարկող շահեր են, որովհետև այսօրվա մեր իշխանությունը կոնկրետ սպասարկում է ՀՀ շահերը, և եթե որևէ մի ուժ խոչընդոտում է մեր աշխատանքը, դա նշանակում է, որ իրենք այլ շահեր ունեն»։