«Իրական պատվիրատուների բացահայտումը հնարավոր կլինի լուրջ, ուժեղ պետականություն ունենալու պարագայում»․ Արամ Սարգսյան

«Եռաբլուր» զինվորական պանթեոնում լրագրողների հետ զրույցում սպարապետ Վազգեն Սարգսյանի եղբայր Արամ Սարգսյանը ասել է․ «Հոկտեմբերի 27-ի գործն ունի արտաքին քաղաքական հետք։ 2001-ին ինձ կանչել էին ցուցմունք տալու Քննչական կոմիտեում, որտեղ իմ ցուցմունքները վերաբերել է Մեղրիի տարբերակով արտաքին հետքին, որտեղ ես նշել եմ այն ժամանակ առաջարկվող Մեղրիով հարցի լուծման չորս վարիացիաները, իմ ձեռքով նկարել եմ քարտեզների այն տարբերակները, ինչը ժամանակին մեզ բացատրում էր Վարդան Օսկանյանը, և ասել եմ, որ կարծում եմ՝ այս ուղղությամբ ու այս հետքով պետք է աշխատանք արվի։ Արտաքին քաղաքական հետքի ուսումնասիրությունը և իրական պատվիրատուների բացահայտումը հնարավոր կլինի լուրջ պետականություն, ուժեղ պետություն ունենալու պարագայում»։