Փաշինյանի ելույթը Համաշխարհային հայկական գագաթնաժողովին

Համաշխարհային հայկական առաջին գագաթնաժողովը տեղի է ունենում մի պայմաններում, երբ աշխարհի, տարածաշրջանի, նույնիսկ ինքներս մեր մասին շատ պատկերացումներ, երազանքներ սասանվել են, երբեմն նույնիսկ՝ փլուզվել, այս մասին Համաշխարհային հայկական գագաթնաժողովի ժամանակ նշել է ՀՀ վարչապետ Նիկոլ Փաշինյանը, ապա հավելել. «Մեր առաջարկն ու պատկերացումն է՝ ոչ թե մնալ այդ փլատակների տակ, այլ փորձել գտնել նոր հնարավորություններ, ՀՀ-ը դարձել նոր պատկերացումների, երազանքների, մոտեցումների ձևավորման ու զարգացման հարթակ՝ առանցքում ունենալով ՀՀ անվտանգ, ինքնիշխան, ազատ, անվտանգ, զարգացած, ժողովրդավարական Հանրապետությունը»: Փաշինյանի խոսքով՝ աշխարհասփյուռ հայությունը մեծ ներուժ է ու նման ռեսուրս ունեցող երկիրը՝ Հայաստանը, չպետք է ունենար այն պրոբլեմները, որ ունի. «Իսկ եթե ունի, նշանակում է՝ շատ բան սխալ ենք արել ու անում ոչ միայն ՀՀ-ում, այլև Հայաստան-Սփյուռք հարաբերություններում»: