«Ովքեր ասում են, որ ես պատրաստվում եմ կապիտուլյացիա ստորագրել, հանրությունից պետք է ներողություն խնդրեն». Փաշինյան

2020թ. նոյեմբերի 9-ի փաստաթղթի մասին խոսելով՝ Փաշինյանն ասաց, որ այն որոշ ուժերի կողմից գնահատվեց որպես կապիտուլյացիա: «Հիմա այդ նույն ուժերը կրծքով պաշտպանում են նոյեմբերի 9-ի հայտարարությունը՝ ասելով, որ չի կարելի կորցնել փաստաթղթում առկա ձեռքբերումները... Բոլոր նրանք, ովքեր ասում են, որ ես պատրաստվում եմ կապիտուլյացիա ստորագրել, էդ նախադասությունն ասելուց առաջ հանրությունից պետք է ներողություն խնդրեն՝ նոյեմբերի 9-ը կապիտուլյացիա անվանելու համար: Կամ եթե չեն խնդրում, ուրեմն իրավունք չունեն հանրությանը ահաբեկել ու ահազանգել նոր կապիտուլյացիաների մասին»,- նշեց վարչապետը: