«Փաշինյանին հստակ դեմ առ դեմ ասել են՝ դու մեր մարդը չես, քանի որ բռնապետ չես». Արթուր Սաքունց

Իրավապաշտպան Արթուր Սաքունցը գրում է. «ՀԱՊԿ-ի հանդիպման ժամանակ Լուկաշենկոն նոր բան չի ասել, այլ այն, որի մասին բազմիցս ասել եմ, ասել ենք, ու էլի կասենք, քանի դեռ Հայաստանը կմնա այդ բռնապետական ակումբում։
Լուկաշենկոն բարձրաձայնել է այն, որ իրենց մարդ է համարվում բռնապետական ռեժիմն ու բռնապետը։
Ն․Փաշինյանին հստակ դեմ առ դեմ ասել են, դու մեր մարդը չես, քանի որ բռնապետ չես։
Հիմա գնդակը Ն․Փաշինյանի դարպասում է, դառնում ես Լուկաշենկոյի ու Պուտինի մարդը, թե չես դառնում։
Եթե չես դառնում, ապա ինչ անելիք ունես այդ ակումբում, իսկ որ իրենց մարդը դառնալու որևէ տարբերակ չունի, դա շատ հստակ է։
Ու այսպես խաչմերուկում մնալով հաստատ վթարվելու հնարավորությունը մեծանում է, առնվազն սողանցող քամիներից թոքաբորբով հիվանդանալը»: