«Եթե ես լինեի իշխանություն՝ պատերազմ չէր լինի». Գեղամ Մանուկյան

ԱԺ «Հայաստան» խմբակցության պատգամավոր Գեղամ Մանուկյանը «Թիվ1»-ի եթերում պատասխանելով հարցին՝ «եթե դուք լինեիք պարտված պետության իշխանություն՝ ի՞նչ քայլեր կանեիք», ասել է հետևյալը․ «Եթե ես լինեի իշխանություն՝ պատերազմ չէր լինի»։ Խոսելով իշխանափոխության անհրաժեշտության մասին՝ Մանուկյանը նշել է․ «Հիմա այդ աթոռը, որի վրա իշխանափոխությունից հետո գալու է X մարդը նստի, այդ աթոռը գրեթե ինքնասպանության աթոռ է, որովհետև այն վիճակում, որում հայտնվել ենք մենք՝ գերմարդկային ուժեր են պետք իրավիճակ փոխելու համար»։

Հարցին՝ «եթե իրենք լինեին իշխանություն, արդյո՞ք հնարավորություն չէին ստեղծի Ադրբեջանի և Թուրքիայի ղեկավարների հետ ուղիղ երկխոսելու», Մանուկյանը պատասխանել է․ «Արժե՞ ուղիղ խոսել, թե՞ խոսել միջազգային միջնորդների մասնակցությամբ, որովհետև ՀՀ-ն սկսեց Թուրքիայի հետ խոսել ՀՀ-ի համար ամենաանբարենպաստ պայմաններում, և դրանով շատ հնարավարություններից Հայաստանին զրկեց։ Կես տարվա ընթացքում Թուրքիան հատիկ-հատիկ դրեց նախապայմանները՝ ավելի վատ վիճակի մեջ հասցնելով Հայաստանին»։