«Առողջապահությանն ուղղվող ծախսերի համամասնությունը չի՛ կարող սպասարկել մեր երկրում առկա կարիքը»․ Անահիտ Ավանեսյան

«Ընդհանուր առմամբ, մենք մշտապես բանակցությունների, քննարկումների բուռն ընթացքներ ենք ունենում, որ ՀՆԱ-ի մեջ առողջապահությանն ուղղվող ծախսերի համամասնությունը չի՛ կարող սպասարկել այն կարիքը, որը մեր երկրում առկա է։ Մեր հարևան երկրների առողջապահությանն ուղղվող բյուջետային միջոցները կազմում են ՀՆԱ-ի ոչ պակաս, քան չորս տոկոսը. մենք ունենք մեզ համար կարևորագույն թիրախ՝ մոտենալու այդ չորս տոկոսին»,- այս մասին նշել է Առողջապահության նախարար Անահիտ Ավանեսյանը՝ ԱԺ-ում ԱՆ բյուջեի քննարկման ժամանակ: