«Նոր թափով պետք է սկսվեն գործողությունները». Ագնեսա Խամոյան

«Գուցե շատ է այս ձևակերպումն օգտագործվում, բայց այո, մենք փողոցից չենք էլ գնացել տուն: Այո, ինտենսիվությունը պակասել է, քան՝ ինչ կար ամիսներ առաջ, բայց վստահաբար կարող եմ ձեզ ասել, որ նոր թափով պետք է սկսվեն գործողությունները»,-Ֆրանսիայի հրապարակում ընթացող «Դիմադրություն» շարժման հանրահավաքի ժամանակ, պատասխանելով լրագրողի հարցին, թե կարելի՞ է ենթադրել, որ ընդդիմությունը վերսկսում է իր փողոցային պայքարը, ասաց ԱԺ «Հայաստան» խմբակցության պատգամավոր Ագնեսա Խամոյանը:

«Ես շատ կարևոր արձանագրում եմ ուզում անել, որ մենք չենք հոգնել, չենք հոգնելու և չենք հրաժարվելու մեր պայքարից մինչև որ հասնենք մեր վերջնական նպատակին, այն է՝ հասնել այս իշխանությունների հեռացմանը»,- ասաց Խամոյանը: