«Ասում ա՝ խաբար չեմ, պապան ա առել». Վազգեն Սաղաթելյան

«Հայաստան» կուսակցության մամուլի խոսնակ Վազգեն Սաղաթելյանի գրառումը. «Լրագրողները Գռզոյին հարցնում են ապօրինի գույքի մասին, սա սկսում ա ինքնամոռաց բղավել, որ ապօրինին՝ Ռոբերտ Քոչարյանի գույքն ա, մենք մերը, ասում ա, բիզնեսով ենք ձեռք բերել։

(Առանց բղավելու ու հանգիստ տոնով) ուզում եմ հարց ուղղել պարոն Գռզոյին:

Պարո՛ն Գռզո, դիցուք կա պատմամշակության արժեք ներկայացնող պետական մի շենք, ասենք՝ Աբովյան-Արամ փողոցների խաչմերուկում։ Ենթադրենք, որ այդ շենքը պետությունը կոպեկներով վաճառում է մի բիզնեսմենի այն պայմանով, որ նա պետք է վերանորոգի այն ու դարձնի արվեստագետների ակումբ, հայ նկարիչների աշխատանքների վաճառքի սրահ: Բիզնեսմենը վերանորոգում է շենքը, սակայն բուն նպատակի փոխարեն սկսում ծառայեցնել սեփական բիզնեսներին։ Անցնում են տարիներ, գույքը վաճառած չինովնիկը սկսում է աշխատել սույն բիզնեսմենի ընտանիքի բանկում, հետո՝ դառնում նախագահ։ Բիզնեսմենի տղան՝ կրկին բիզնեսմեն, ժառանգում է շենքը, ծառայացնում արդեն իր սեփական բիզնեսներին, դառնում է պատգամավոր ու երբ իրեն հարցնում են շենքի մասին, ասում ա՝ խաբար չեմ, պապան ա առել, հետագայում էլ նույն հարցին ի պատասխան պնդում, թե իր գույքերը ձեռք են բերվել բիզնեսով։ Հարց՝ արդյո՞ք արդարացի չի լինի ասել, որ սույն բիզնեսմենը, ինչպես նաև նշված չինովնիկը հանդիսանում են ****»։