«Ինչպե՞ս է ցեղասպանություն նախապատրաստողի հետ Հայաստանը խոսում իրավունքներից և անվտանգությունից»․ հարց՝ Արմեն Գրիգորյանին

«Մեք տեսնում ենք, որ Ադրբեջանը շարունակաբար սրում է իրավիճակը, փորձում է ճգնաժամեր ստեղծել Հայաստանի Հանրապետության սուվերեն տարածքի նկատմամբ։ Լեռնային Ղարաբաղի նկատմամբ, նույնպես խախտվել է նոյեմբերի 9-ի հայտարարությունում նշված կետերը, հրադադարի ռեժիմն է խախտվել․ այս առումով Ադրբեջանը շարունակում է պրովոկացիաներ կազմակերպել այս երկու ուղղությամբ և մեր մտահոգությունները մենք հանրային արտահայտել ենք»,- «Սիվիլնեթ»-ի տաղավարում անդրադառնալով Ադրբեջանի հասցեին վարչապետ Նիկոլ Փաշինյանի վերջերս հնչեցրած հռետորաբանությանը, ասաց ԱԽ քարտուղար Արմեն Գրիգորյանը։

Դիտարկմանը՝ եթե Հայաստանի Հանրապետությունը գնահատում է իրավիճակն այնպես, որ Ադրբեջանը ցեղասպանություն է նախապատրաստում, ինչպե՞ս է ցեղասպանություն նախապատրաստողի հետ խոսում իրավունքներից և անվտանգությունից, Ա․ Գրիգորյանը պատասխանեց․ «Ժամանակային հատվածն է այստեղ կարևորը։ Այն ժամանակ, երբ որ հայկական կողմը դրա մասին խոսում էր, տեղի էր ունեցել Վաշինգթոնյան հանդիպումներըև տեսնում էինք որոշակի հնարավորություններ։ Մեր գնահատական այն էր, որ որոշակի փոփոխություններ են տեղի ունեցել նաև Ադրբեջանում, և նա հաշվի առնելով աշխարհաքաղաքական իրավիճակը, որոշ պլաններ ունի, և այդ պլանների մասին խոսում է»։