«Դեռ հստակ չի, թե ովքեր են լինելու միջազգային երաշխավորները»․ ԱԽ քարտուղար

«Այն մեխանիզմները, որը մենք առաջարկել ենք խաղաղության պայմանագրի տեքստում, նաև երաշխիքներ է ստեղծում, օրինակ միջազգային գարանտորների մասին է խոսքը: Դեռ հստակ չի, թե ովքեր են լինելու այդ գարանտորները, դա բանակցությունների թեմա է: Հայաստանը գիտակցում է, որ այդ երաշխիքները երբեմն պատմության ընթացքում չեն աշխատել, բայց կարող են լինել դեպքեր, որ դրանք աշխատեն»,- «Սիվիլնեթ»-ի հետ հարցազրույցում ասաց ԱԽ քարտուղար Արմեն Գրիգորյանը՝ անդրադառնալով մինչև տարեվերջ խաղաղության պայմանագիր կնքելուն։ Նա նշեց, որ «եթե խաղաղության պայմանագիրն այն տարբերակով ենք կնքում, որը մենք առաջարկում ենք, հնարավորություն է ստեղծում նաև կանխել հնարավոր սադրանքները»: