«Ընդդիմությունը փոխվելու է». Ալեն Սիմոնյան

Ըստ ՀՀ ԱԺ նախագահ Ալեն Սիմոնյանի՝ Հայաստանում ընդդիմադիր դաշտը շուտով կփոխվի։ Այսօր նա խորհրդարանում վստահություն հայտնեց, թե «Հայաստան» ու «Պատիվ ունեմ» խմբակցությունները շուտով կկազմալուծվեն։
«Շատ վատ է, որ ՀՀ-ում ընդդիմություն չկա, նախկին իշխանության ներկայացուցիչները իրենց ֆինանսների շնորհիվ փակում են դաշտը առողջ ուժերի համար, բայց ես կարծում եմ, որ դա ժամանակի հարց է, կարծում եմ՝ հաջորդ փուլը լինելու է այն, որ ընդդիմությունը փոխվելու է»,- նշեց Ալեն Սիմոնյանը։
Ըստ նրա, «Հայաստան» խմբակցության ոչ դաշնակցական տարբեր պատգամավորներ շուտով իրենց մանդատները վայր են դնելու, իսկ ՀՅԴ-ն միայնակ, ըստ Ալեն Սիմոնյանի, չի կարող ունենալ 30 պատգամավոր։