«Եթե այս տեմպերով գնանք՝ 2050-60 թթ. մեր բնակչության թիվը կլինի 2 մլն 600 հազար». Գ. Արսենյան

«Եթե մենք այս տեմպերով գնանք, էական քայլեր չանենք, որպեսզի շեշտակիորեն ավելացնենք մանկածնությունը, 2050-2060 թվականներին մեր երկրի բնակչությունը կլինի 2 մլն 600 հազար, դա է մեզ սպասվում և ծերացող բնակչություն․ կան մարդիկ՝ կա երկիր, չկան մարդիկ՝ չկա երկիր». այս մասին ԱԺ-ում ՔՊ-ական Գուրգեն Արսենյանի ժողովրդագրական վիճակի բարելավման վերաբերյալ դիտարկմանը՝ Անդրանիկ Քոչարյանը պատասխանեց․ «Երբ որ մեր երկիրը կդարձնենք գրավիչ և պաշտպանված, նաև այդ խնդիրն էլ իր լուծման ճանապարհը կբռնի, բայց նաև կան լուծման ճանապարհներ, որ դրա զարգացումը կախված է յուրաքանչյուր մարդուց, ընտանիքի մոտեցումներից։ Եթե Եղեռնից հետո շատ գաղթած ընտանիքներ իրենց առաջնային խնդիրը տեսնում էին շատ երեխաներ ունենալու մեջ, այդպիսի մի մոտիվացիա պետք է ծնվի մեր ժողովրդի մեջ: Զոհերը ունեցել ենք, իսկ զոհերը լրացնելը նաև պետք է երեխաների ծնունդով առաջնորդվի, իսկ դրա համար գրավչությունը կարող է՝ քիչ է․․․ սերը և գրավչությունը․ մենք դատապարտված ենք շատանալու, այդտեղ է մեր փրկությունը»։