«Պոլիկլինիկաների, գյուղական ամբուլատորիաների բուժաշխատողների աշխատավարձը կավելանա». վարչապետ

«Ընդդիմությունն անընդհատ խոսում է գնաճի մասին։ Այո, որևէ մեկը չի ժխտում այդ խնդիրը կա, և պետք է արձանագրենք նաև, որ գնաճը գլոբալ երևույթ է։ Ընդ որում, Հայաստանը շատ երկրների հետ համեմատ ունի գնաճի շատ ավելի ցածր մակարդակ։ Մարդ ինչպե՞ս կարող է գնաճի դեմ պայքարել։ Եկամուտների աճով, աշխատավարձի աճով»,- ԱԺ-ում՝ 2023 թվականի պետական բյուջեի մասին օրենքի նախագծի քննարկման ժամանակ այս մասին ասաց ՀՀ վարչապետ Նիկոլ Փաշինյանը։

Շարունակելով բարեփոխումների թեման, վարչապետը նշեց. «Պոլիկլինիկաների, գյուղական ամբուլատորիաների բուժաշխատողների աշխատավարձը կավելանա միջինը 40 հազար դրամ կամ 20-23 տոկոսով»։