«Լրագրողներին սպառնում են սահման ուղարկել»․ Գեղամ Մանուկյան

«Կուզեի փոխանցել անհանգստությունս վերջին շրջանում վառ արտահայտված, հատկապես իշխանական պատգամավորների, տարբեր պաշտոնյաների կողմից, լրատվամիջոցների, լրագրողների նկատմամբ անհարգալից վերաբերմունքը, և այդ առումով կուզեի անհանգստություն փոխանցել, որ տարիներ շարունակ ՀՀ-ում խոսքի ազատության, մամուլի իրավունքի պաշտպանության գործում անուրանալի ներդրում ունեցած ՀԿ-ների կողմից որոշակի կրավորական դրսևորում կա։ Վերջին մի քանի օրերին առավել խայտառակ դրսևորումներ եղան, երբ լրագրողներին այլևս սպառնում են սահման ուղարկել, ենթադրելով, որ դա համակենտրոնացման ճամբար է»,- խորհրդարանական ճեպազրույցի ընթացքում իր խոսքում ասել է «Հայաստան» խմբակցության պատգամավոր Գեղամ Մանուկյանը՝ կոչ անելով լրագրողներին իրենց իրավունքներին մինչև վերջ տեր կանգնել։