«Հարվածները հասցվում են «ռուսական օդուժի պատասխանատվության տակ գտնվող» տարածքում». Ստյոպա Սաֆարյան

Քաղաքագետ Ստյոպա Սաֆարյանը գրում է. «Քրդական ու միջազգային լրատվամիջոցներն ահազանգում են, որ թուրքական ռազմուժն օդային հարվածներ է հասցնում Քոբանիին և հյուսիսային Սիրիայի՝ քրդական վերահսկողության տակ գտնվող այլ թիրախների։ Քրդական ծագումով հայտնի թուրք լրագրող և վերլուծաբան Ամբերին Զամանը հայտնում է, որ հարվածները հասցվում են «ռուսական օդուժի պատասխանատվության տակ գտնվող» տարածքում։ Սա թերևս էական է՝ հասկանալու համար, թե ինչ է արժեցել Ռուսաստանի այդ թույլտվությունը՝ տրված Էրդողանին․․․ Սա էական է նաև հասկանալու համար, թե որ պատասխանատվության գոտում ով է հարվածներ հասցնելու կամ գիշերային Ստեփանակերտի գլխավերևում «Ալլահու աքբար» գոռալու թույլտվություն տալիս․․․»: