«ՌԴ նախագահն ի՞նչ երեսով է գալիս Հայաստան». Արամ Սարգսյան

187

Երեքշաբթի, 22 նոյեմբերի, 2022 թ., 12:38

«Հանրապետություն» կուսակցության նախագահ Արամ Սարգսյանի գրառումը․ «Ձախողելով Ռուսաստանի տնտեսության դիվերսիֆիկացիան՝ ՌԴ նախագահ Վլադիմիր Պուտինը որոշեց այլ ճանապարհով վերականգնել Ռուսաստանի նախկին հզորությունը: Եվ քանի որ ԽՍՀՄ-ը հին ու նաֆթալինոտ է, անունը դրեց Միութենական պետություն և 2020-ի արցախյան երկրորդ պատերազմով սկսեց գործընթացը։ Շոյգուի գնահատած՝ ԼՂ «փայլուն օպերացիան» հույս առաջացրեց, և ՌԴ-ն մտավ Ուկրաինա, աչքի տակ ունենալով Մոլդովան, հետո Վրաստանը, հետո Ադրբեջանը, հետո միջինասիական հանրապետությունները՝ մինչև ԽՍՀՄ հիմնը՝ Союз нарушений... Ի հետևանս՝ կորցրեց ԵՄ-ի լոյալությունը, ԱՄՆ-ի հանդուրժողականությունը, Ուկրաինան կորցրեց ամբողջությամբ ու վերջնական, Հայաստանում ավելի շատ հակառակորդներ, քան համակիրներ ունեցավ, իսկ Միութենականի ստեղծման փոխարեն կասկածի տակ են հիմա ՀԱՊԿ-ը, ԵԱՏՄ-ն ու ԱՊՀ-ն։ ՌԴ նախագահը «Ոսկե ձկնիկ» հեքիաթի պառավի վիճակում է հայտնվել և որ կոտրած տաշտակի առաջ են արդեն, հասկանում է նույնիսկ Մարգարիտ Սիմոնյանը։ Թե այսքանից հետո ՀՀ և Արցախի իշխանությունները ի՞նչ հույս են կապում հեքիաթի պառավի և ռուսական տարբերակի հետ, չեմ հասկանում, կամ ՌԴ նախագահը ի՞նչ երեսով է գալիս Հայաստան չգիտեմ, չնայած բացի Մինսկից էլ ո՞ւր կարող է գնալ որ…»:

Աղբյուրը` Արամ Սարգսյան