Ռոբերտ Քոչարյանը խոստովանել է՝ սխալ էր Հակոբյանին ընդգրկել ցուցակում. «Հրապարակ»

«Հրապարակ» օրաթերթը գրում է. «Վահե Հակոբյանի և «Վերածնվող Հայաստան» կուսակցության ևս երկու պատգամավորի՝ մանդատից հրաժարվելու որոշումը «Հայաստան» դաշինքի համար անսպասելի է եղել։ «Սպասում էինք միայն անձամբ Վահե Հակոբյանից, բայց ո՛չ մյուս երկու կուսակցականների վերաբերյալ»,- ասաց դաշինքի մեր աղբյուրը։ Բանն այն է, որ Վահե Հակոբյանը թեպետ դեմ է եղել խորհրդարան վերադառնալուն և իր կարծիքն ամիսներ առաջ հայտնել է խմբակցության հավաքներից մեկի ժամանակ, սակայն դաշինքի գործընկերների հետ երբևէ չի կիսվել իր մտադրության և որոշման մասին։

Պատմում են, որ վերջին շրջանում ընդհանրապես չխոսկան է դարձել և խմբակցության հավաքներին եկել, ներկա է գրվել, լսել ու հեռացել։ Ի դեպ, դաշինքում առանձնապես ծանր չեն տանում «վերածնվողների» հեռացումը, համարում են, որ բալաստից են ազատվել: Մանավանդ՝ լսել են, որ առաջնորդը՝ Ռոբերտ Քոչարյանը, խոստովանել է, թե իր կողմից սխալ է եղել Հակոբյանին ցուցակում ընդգրկելը, և փոշմանել է Հակոբյանի չկայացած կուսակցության հետ դաշնակցելու հարցում»։

Ամբողջական հոդվածը՝ թերթի համարում