Երեքշաբթի, 31 հունվարի, 2023 թ.
|
Ստեփանակերտում`   +2 °C

«Փաշինյանը կգնա նոր ընտրությունների, որպեսզի կառավարելի ընդդիմության միջոցով լեգիտիմացնի երկրորդ կապիտուլյացիան»․ Շարմազանով

«Փաշինյանը կգնա նոր ընտրությունների, որպեսզի կառավարելի ընդդիմության միջոցով լեգիտիմացնի երկրորդ կապիտուլյացիան»․ Շարմազանով
163
Հինգշաբթի, 01 դեկտեմբերի, 2022 թ., 11:30

ՀՀԿ Գործադիր մարմնի անդամ Էդուարդ Շարմազանովը 168 TV-ի եթերում խոսելով ներկայիս իշխանությունների վարած քաղաքականության մասին՝ ասել է․ «Խաղաղությունն ու պետական ազգային շահն առաջ տանելը պարտված ղեկավարի խելքի բանը չէ: Փաշինյան, դու քաղաքական գնահատական տվե՞լ ես Շուշիի ու Հադրութի օկուպացիային, Աղավնոյի ու Բերձորի հանձնմանը: Իշխանությունն ամրապնդելուց հետո Նիկոլը փորձելու է գրավել ընդդիմության դաշտը, գնալ ընտրությունների և կառավարելի ընդդիմության միջոցով լեգիտիմացնել երկրորդ կապիտուլյացիան»:

«Միակ կառույցը, որ մեզ կարող է զենք տալ, Ռուսաստանն է, այսինքն՝ ՀԱՊԿ-ը, և մենք մերժո՞ւմ ենք ՀԱՊԿ փաստաթուղթը ստորագրել: Երբ Փաշինյանը հրաժարվում է ՀԱՊԿ օժանդակությունից, նա արձակում է ՀԱՊԿ-ի ձեռքերը, կանաչ լույս վառում ադրբեջանական ագրեսիայի դեմ: Աստված մի արասցե, որ ռուս խաղաղապահները գնան, էդ 120 000 ժողովրդի հարցն ի՞նչ է լինելու»,- անդրադառնալով օրերս Երևանում կայացած ՀԱՊԿ գագաթնաժողովում Փաշինյանի կողմից փաստաթղթի չստորագրմանը՝ նկատել է Շարմազանովը։

Խոսելով ստեղծված իրավիճակից ելքերի մասին՝ ՀՀ ԱԺ նախկին փոխնախագահը շեշտել է․ «Եթե 3 համանախագահ պետություն՝ ԱՄՆ-ը, Ֆրանսիան և Ռուսաստանը, մի մեխի գլխի չափ չկան, որ Ադրբեջանին ստիպեն հարգել իրենց իսկ մշակած սկզբունքները, էլ ինչի՞ մասին է խոսքը: Դուք լուրջ պատկերացնում եք՝ Ալիևը պիտի նստի Արցախի հետ, բացի գազի ու լույսի հարցից, ասենք, ինքնորոշման կամ անվտանգության հարց քննարկի՞: Իմ առաջարկը հետևյալն է՝ ազատվել հակապետական, պորտաբույծ իշխանությունից և աշխատել աշխարհաքաղաքական կենտրոնների, նախ և առաջ՝ Մոսկվայի և Թեհրանի հետ»:

«Փաշինյանը կգնա նոր ընտրությունների, որպեսզի կառավարելի ընդդիմության միջոցով լեգիտիմացնի երկրորդ կապիտուլյացիան»․ Շարմազանով